ChampionsCup

Match retou CONCACAF Champions Cup ant Inter Miami ak ekip Sporting kansas City a jwe madi 25 fevriye a nan Chase Stadium. Inter Miami bat 3-1 , sa ki mete match la 4-1 sou tou de match yo akoz nan ale Inter Miami te bat 1-0 gras ak Messi ki te tou pwofite fè gòl nan match jodi a tou, Messi te louvri eskò a.

Messi te fè gòl nan 19èm minit, li te resevwa ak lestomak li yon pas Luis Suarez te fè ajanten an mete yon bèl chout pye goch, boul ta te al tonbe nan filè a 1-0.

Nouvo jwè ekip Tadeo Allende te fè gòl nan 45+1 minit, Suarez te make nan 45+3 minit pou ede Inter Miami kalifye pou uityèmdefinal CONCACAF Champions Cup la.

Pwochen advèsè Inter Miami nan konpetisyon an se ap chanpyon peyi Jamayik la Cavalier FC. Match ale a ap jwe premye semèn mwa mas kay Inter Miami, retou an ap jwe 13 mas nan peyi jamayik. Fafa Picault pa t prezan nan match la akoz li te blese nan premye jounen MLS la.

KÒMANTÈ

Dènye atik yo